• Amhran Lord Lever, le Domhnall Donn

    by  • 4 June 2011 • Bàrdachd, Gàidhlig, Land Issues • 0 Comments

    Chaidh an amhran seo a dhèanamh an deidh a Chogaidh mhòir an uair a thoisich iad a’briseadh sios nam bàiltean ùra. Bha Domhnall Donn, mar a bha a’ chuid mhòr an Uig, airson Lever agus a’ smaoineachadh gu robh e dèanamh ceart agus a’ toirt obair dhan an eilean. Bha torr an Uig ag obair timcheall Steòrnabhaigh.

    This song was composed after the Great War when they began breaking down the new villages.  Domhnall Donn (Donald Maciver, b. 1862) of Kneep was, like many in Uig, a very strong supporter of Leverhulme,  and believed that he was doing right for the Island bringing employment. A lot of Uig people were employed around Stornoway.

    Chuala sinn gun laigh an eucòir
    Ann an lèig air muin nan coir
    Thug e an ceartas dubh a leum às
    Chuir e an eucoir fon a bhròig
    Thug e dhachaigh thugainn ‘Lever’
    Dh’fhuadaich e na caoraich mhòr
    ’S thug e ceartas do na daoine
    leis am faod iad a bhith beò.

    Tha laghan ùr a gabhail àite
    Anns an latha ’sa bheil sinn beò
    Tha na glinn an diugh ’gan àiteach
    ‘S chaill na Tàillich orra an coir
    Ach, Alasdair, ma ’s tu tha riaghladh
    Na leig dichuimhn’ air a choir
    Leig a chlìb ag cur ‘na stiallan
    ‘S bheireadh sianar aist’ bi-beò.

    Bha ‘Lever’ gu math ri dhèanamh
    Bha e a’ riaghladh ceart gu leòr
    Thug e buannachd as an t-siabann
    ‘S fhuair na ceudan às bi-beo
    Thug e laghan do ar dùthaich
    Ris nach robh dùil aig duine beò
    Dh’fhuadaich e na slatan-sgiùrsaidh
    ‘S tha sgìre Uige mar bu choir.

    Nach robh ‘Lever’ dhuibh a’ sealltainn
    Gu robh ann dhuibh Cridhe blàth
    Thug e dhachaigh lagh na Galldachd
    Chur e’n gamhlas fo’n an fhàd
    ‘S eadar Mialastadh ‘s Gabhsan
    Theid a planntraigeadh gach àite
    ‘S chan eil baile bàn a Leòdhas
    Nach bi tighinn ann ‘s iad bàn.

    O, ‘s iomadh cridh’ thug osna thùrsach
    Ag caoidh na flùran a bha ann
    Chlunnaist iad a’ seinn ‘s ag ùrnaigh
    ‘S iad a muigh air cùl nam beann
    Chuala sinne bho ar càirdean
    ‘S iad a’ bruidhinn ‘nuair bha iad ann
    mar a bha iad fhèin is Pàdruig
    Aig an t-sacramaid ‘s a’ ghleann.

    O, ’s iomadh athair, ‘s iomadh mathair
    Bha gu làr a silleadh dheòir
    An uair a dh’fhuadaicheadh ‘s an àite iad
    Anns an deach an àrach òg
    Chuala sinne bho ar càirdean
    Mus do dh’fhàs sinn gu bhith mòr
    Gun laigh mallachdan an àite
    Air na dh’fhàsaich Buidha Mhòr.

    Ach cha toir ‘Lever’ car dhuinn tuilleadh
    Gu dè an nis an ni an t-àl òg
    Thug na tràlairean an t-iasg bhuap’
    Chan eil rian aca bhith beò
    Sgabaidh iad mar eoin na h-iarmailt
    Fear an ‘s ear as iar ‘san lòn
    ‘S a chaoidh cha choinnich iad ri cheile
    far na rinn iad èiridh òg.

    Share
    PrintFriendlyTwitterFacebookDeliciousDiigoEmailShare

    Leave a Reply

    Your email address will not be published.